vi tremas sen rimarki

Mi rigardas vin kaj sorisas.Mi marŝas al vi kaj miaj brakoj ĉirkaŭas vin.Mi proksimigas vin al mia korpo kaj premas vin kontraŭ mi.Mi sentas vian varman bruston disvastigi sian molecon sur mia avida brusto.Mi sentas mian buŝon spiri vian spiron.Mi sentas vian rigardon paroli al mi sen vortoj.Mi sentas miajn manojn, kiuj sin ĝustigas, malrapide,al la kurboj de via talio, de viaj koksoj.Mi sentas vian koron flirti apud la mia.Kaj mi premas vin ankoraŭ pli kontraŭ mian korpon.Vi tremas sen rimarki.

Vi ne perceptas tion, sed mi jes.Estas malforta tremo, kiel tiu de eta floro, kiun balancas la brizo.Mi klinas min kaj tuŝetas viajn rozajn lipojn, dolĉa frukto de pasio.Mia mano karesas viajn harojn,kaj viaj okuloj fermiĝas, kiel steloj kiuj kaŝiĝas.Mi kisas vin tenere.Miaj lipoj en via buŝo malsekiĝas de nektaro kaj malfermas la pordon al la animo,kiu aperas kiel la suno kaj kiu ekbruligas mian enamiĝintan korpon.Kun la kiso, ni kune supreniras ĝis tiu blua mondo, kiu estas nur nia.Via mano ekripozas sur mia brusto kaj karesas min;la mia glitas kiel mielokovrante viajn deklivojn, viajn konturojn, viajn ĉarmojn.Ni kisas nin dolĉe kaj freneze.Mi envolvas vin tutan, kiel fajro ĉirkaŭas brulantan arbon.Vi tremas sen rimarki.

Vi lasas vin konduki kaj ni falas mole.Sur la herbo mi amos vin ĝis kiam la amo konsumos nin.Mi kovras vin per miaj kisoj.Miaj manoj estas ondoj, mia lango estas flamo.Vi ne perceptas tion,sed ankaŭ mi tremas.

Mia sango fluas en impetaj torentoj.Mi survojas per la rigardo vian nudecon,kaj konturas viajn formojn per miaj zorgemaj fingroj.Via spirado fariĝas ekscitita kaj via koro ekgalopas.Vi ektremas pro plezuro inter miaj brakoj.Vi tremas sen rimarki.