Loko Los Olivos: Geografia situo

Kie estas la ŝtono?

Sube estas montrataj du mapoj, laŭ malsamaj skaloj, kiuj indikas la situon de la ŝtono de Los Olivos en Panamo kaj en Los Santos.

La mapo #1 montras la ĝeneralan situon de la Ejo Los Olivos en Panamo. La mapo montras ankaŭ aliajn lokojn de petroglifoj. La nordo estas supre. Alklaku la bildon por vidi la plenan mapon (kreita per Microsoft World Atlas).

La mapo #2 montras la precizan situon de la Ejo Los Olivos en Los Santos. La nordo estas supre. Alklaku la bildon por vidi la plenan mapon (fragmento de mapo de la Nacia Geografia Instituto ‘Tommy Guardia’).

Laŭ mia GPS-aparato, la geografiaj koordinatoj de la ŝtono estas 08°56.023N 080°25.381W. Bedaŭrinde, kiam mi notis la koordinatojn de ĉi tiu ŝtono, mi ne havis sperton pri la uzo de GPS kaj mi ne notis la Datum.

Kiel oni atingas ĝin?

La ŝtono kun la desegnaĵoj estas je 12 km de La Heroica Villa de Los Santos. Uzi la mapon #2 povas esti tre helpa.

Ekirante de La Heroica Villa de Los Santos, oni prenas la vojon, kiu iras al San Agustín, El Bongo, Los Olivos aŭ Macaracas. La loĝantoj de la loko povas indiki, kiu estas tiu vojo. Kiam oni estas ĉe la enirejo de la vilaĝo Los Olivos, oni devas preni la maldekstran straton ĉe la ‘Y’, kiun oni renkontos. Kiam tiu strato finiĝas per ‘T’, oni turnas sin maldekstren, kaj tuj dekstren. Sekvante tiam la ĉefan kamparvojon, oni atingas la riveron. La aŭton oni devas lasi tie kaj marŝi maldekstren, enirante en paŝtejon, kiu havas multajn ŝtonojn (kaj, atentu, ankaŭ bovinojn!). Sub granda arbo guachapalí1 estas la ŝtono. Ĝi estas la plej okcidenta el la grupo de ŝtonoj en la paŝtejo. La desegnaĵoj estas sur ĝia okcidenta flanko.