Defendo de Esperanto

Mi estas panamano loĝanta en Boston, Usono. En la artikolo Sin cables, sin rollos (“Sen kabloj, sen ĝenaĵoj”), de Eduardo Verdú, estas publikigita la jena teksto:

“Tamen nin, la infanojn, oni enskribis en informadikajn akademiojn por lerni lingvon, kiu, kiel Esperanto, pruviĝis neproduktiva”.

Permesu al mi diri al vi, ke sinjoro Verdú eraras, kiam li diras, ke Esperanto estas “neproduktiva”. Nuntempe pli ol miliono da homoj parolas ĝin, pli ol mil familioj uzas ĝin ĉiutage en siaj hejmoj kiel unuan lingvon kaj centoj da libroj ĉiujare estas publikigitaj en ĉi tiu lingvo. Veraj juveloj de poezio kaj prozo estas verkitaj rekte en Esperanto, kaj tradukitaj al aliaj lingvoj.

Indus, ke via gazeto sin ligu al la vero rilate al Esperanto, ĉar ne estas la unua fojo, ke aperas en ĝiaj paĝoj komento tiel malvera kiel ofenda kontraŭ ĉi tiu lingvo, kiu estas mirindaĵo de logiko kaj artaĵo.